दिनांक २७ सप्टेंबर २०२५, श्रीगोंदा/शिरूर:
शिरूर उपविभागीय अधिकाऱ्यांनी आगामी स्थानिक स्वराज्य संस्थांच्या निवडणुकांच्या पार्श्वभूमीवर कायदा व सुव्यवस्था राखण्यासाठी चार कुख्यात गुन्हेगारांना कठोर शिक्षा केली आहे.
महाराष्ट्र पोलीस अधिनियम १९५१ चे कलम ५७ अन्वये या चौघांना दोन वर्षांसाठी तालुक्याबाहेर हद्दपार करण्यात आले आहे.
रोहित बाळासाहेब उर्फ प्रमोद कर्डिले, अनिल शिवाजी काळे, महेश मच्छिंद्र गायकवाड आणि अनिकेत उर्फ दाद्या दिलीप पठारे यांचा हद्दपार करण्यात आलेल्यांमध्ये समावेश आहे.
या चौघांना संपूर्ण पुणे जिल्हा, पिंपरी-चिंचवड आयुक्तालय, पुणे शहर आयुक्तालय तसेच अहमदनगर जिल्ह्यातील पारनेर व श्रीगोंदा तालुक्याच्या हद्दीतून दोन वर्षांसाठी हद्दपार करण्याचे आदेश देण्यात आले आहेत.
पोलीस उपविभागीय अधिकारी प्रशांत ढोले यांनी गुन्हेगारीला अजिबात थारा न देण्याचा इशारा दिला असून, समाजात दहशत माजवणाऱ्यांवर कठोर कारवाई सुरूच राहील, असे स्पष्ट केले आहे.
स्रोत:(ऑनलाईन वृत्त)
