दिनांक २८ नोव्हेंबर २०२५, अहिल्यानगर:
जिल्ह्यात मानव-बिबट्या संघर्ष वाढत असताना, AI-आधारित बनावट वन्यप्राणी व्हिडिओ तयार करून नागरिकांमध्ये भीती निर्माण करणाऱ्यांवर कठोर कायदेशीर कारवाई करण्याचे निर्देश जिल्हा पोलीस अधीक्षक सोमनाथ घार्गे यांनी दिले. ते जिल्हा व्याघ्र कक्ष समितीच्या बैठकीत बोलत होते.
- वनविभागाच्या कर्मचाऱ्यांना पोलिसांकडून शस्त्र हाताळणीचे प्रशिक्षण दिले जाईल.
- जनजागृतीसाठी पोलिसांच्या व्हॉट्सअॅप गटांमध्ये वनअधिकाऱ्यांचा समावेश केला जाईल.
- अपघात टाळण्यासाठी ‘ब्लॅक स्पॉट’ ओळखणे आणि विहिरींना सुरक्षित कठडे बांधण्याचे आवाहन केले जाईल.
- मानव-वन्यजीव संघर्षाच्या वेळी कायदा व सुव्यवस्था राखण्यासाठी पोलिसांची मदत तत्परतेने उपलब्ध असेल.
- वनविभाग-पोलीस विभागाच्या संयुक्त विद्यमाने मॉक ड्रिल आणि तालुकास्तरीय समन्वय समित्या स्थापन केल्या जाणार.वन आणि वन्यजीव संवर्धनात रुची असलेल्या व्यक्तींना मानद ‘वन पाटील’ म्हणून निवडण्याचा सर्वानुमते निर्णय घेण्यात आला.
- या बैठकीत उपवनसंरक्षक धर्मवीर सालविठ्ठल आणि विभागीय वनअधिकारी डॉ. अजित साजणे यांच्यासह समितीचे अन्य सदस्य उपस्थित होते.
स्रोत:(जिल्हा माहिती कार्यालय)
