दिनांक: ९ जून २०२४, श्रीगोंदा
श्रीगोंदा तालुक्यात महावितरण कंपनीच्या भोंगळ कारभाराविरुद्ध एक मोठे आंदोलन आयोजित करण्यात आले आहे. टिळक भोस आणि त्यांच्या सहकार्यांमार्फत हे भीक मांगो आंदोलन उद्या, दिनांक १० जून २०२४ रोजी आयोजित केले जाणार आहे. हे आंदोलन महावितरण कंपनी व तहसील कार्यालय येथे होणार आहे.
श्रीगोंदा शहर व तालुक्यातील नागरिकांना गेल्या काही महिन्यांपासून अनेक समस्यांना तोंड द्यावे लागत आहे. निधीचा अभाव आणि रिक्त पदे यामुळे महावितरण कंपनीकडून देखभाल व दुरुस्तीची कामे नीटपणे केली जात नाहीत. परिणामी, वारंवार वीजपुरवठा खंडित होण्याच्या समस्यांना नागरिकांना सामोरे जावे लागत आहे. त्यातच कंत्राटी कामगारांचे थकीत पगार यामुळे देखील संतप्तता वाढली आहे.
या समस्यांवर उपाययोजना करण्यात आलेल्या नसल्यामुळे टिळक भोस आणि त्यांच्या सहकाऱ्यांनी ‘भीक मांगो आंदोलन’ करण्याचा निर्णय घेतला आहे. या आंदोलनाच्या माध्यमातून महावितरण कंपनी आणि प्रशासनाला त्यांच्या जबाबदाऱ्यांची जाणीव करून देण्याचा त्यांचा उद्देश आहे.
स्रोत:(आंदोलन..)
