🚨 चैन स्नॅचिंगची घटना: श्रीगोंदा-जामखेड रोडवर महिलेचे ४२ हजारांचे सोन्याचे मिनी गंठण लंपास..

दिनांक १ नोव्हेंबर २०२५,श्रीगोंदा:

श्रीगोंदा-जामखेड हायवेवर घायपतवाडीजवळ दत्तमंदिराजवळ आज, दिनांक ०१ नोव्हेंबर २०२५ रोजी सकाळी १०.०० वाजेच्या सुमारास दुचाकीवरून आलेल्या एका अज्ञात चोरट्याने महिलेच्या गळ्यातील सोन्याचे मिनी गंठण बळजबरीने हिसकावून नेल्याची घटना घडली आहे.

याबाबत दिपाली सचिन औटी (वय २८, रा. औटेवाडी, ता. श्रीगोंदा) यांनी श्रीगोंदा पोलीस स्टेशनमध्ये लेखी फिर्याद दिली आहे.

पोलिसांना दिलेल्या फिर्यादीनुसार दिपाली औटी या त्यांची जाउ निकीता गणेश औटी यांच्यासह त्यांच्या इलेक्ट्रिक स्कुटी गाडीवरून श्रीगोंदा ते जामखेड रोडने औटेवाडी येथील शेतीत कामासाठी जात होत्या.

🚨 चैन स्नॅचिंगची घटना: श्रीगोंदा-जामखेड रोडवर महिलेचे ४२ हजारांचे सोन्याचे मिनी गंठण लंपास..

सकाळी १०.०० वाजताच्या सुमारास घायपतवाडीजवळ दत्तमंदिराजवळ पाठीमागून आलेल्या एका काळ्या रंगाच्या युनिकॉर्न मोटारसायकलवरील व्यक्तीने त्यांच्या गाडीला कट मारल्यासारखे केले.

दिपाली औटी यांनी गाडी सावकाश करून त्या व्यक्तीकडे पाहिले असता, त्या अज्ञात इसमाने त्यांच्या गळ्यातील सुमारे ४२,०००/- रुपये किंमतीचे, १ तोळा ४ ग्रॅम वजनाचे सोन्याचे मिनी गंठण बळजबरीने हिसकावून तोडून घेऊन पळ काढला.

चोरट्याने वापरलेल्या युनिकॉर्न मोटारसायकलच्या नंबर प्लेटला प्लॅस्टिकची पिशवी बांधलेली होती, अशी माहिती फिर्यादीने दिली आहे.

दिपाली औटी यांच्या फिर्यादीवरून, युनिकॉर्न मोटारसायकलवरील अज्ञात इसमाविरुद्ध श्रीगोंदा पोलीस स्टेशनमध्ये गुन्हा दाखल करण्यात आला आहे. पोलीस या घटनेचा अधिक तपास करत असून अज्ञात आरोपीचा शोध घेत आहेत.

स्रोत:(अधिकृत माहितीनुसार)