दिनांक ५ ऑगस्ट २०२४ श्रीगोंदा:
जिल्हाधिकारी मा. श्री. सिध्दराम सालेमठ यांनी काल दिनांक ४ ऑगस्ट रोजी श्रीगोंदा तहसिल कार्यालय, पंचायत समिती श्रीगोंदा आणि नगरपरिषद श्रीगोंदा येथे भेट दिली. या भेटीत त्यांनी ‘मुख्यमंत्री माझी लाडकी बहिण’ योजने अंतर्गत आलेल्या अर्जांचा आढावा घेतला.
श्रीगोंदा तहसिल कार्यालयात झालेल्या पहिल्या बैठकीत जिल्हाधिकारी यांनी योजनेच्या अंमलबजावणीबाबत सविस्तर चर्चा केली. त्यांनी अधिकाऱ्यांना अर्जदारांच्या तक्रारी आणि अडचणी तातडीने सोडवण्याचे निर्देश दिले. यावेळी तहसीलदार क्षितिजा वाघमारे आणि इतर वरिष्ठ अधिकारी उपस्थित होते.
यानंतर जिल्हाधिकारी पंचायत समिती श्रीगोंदा येथे गेले, जिथे त्यांनी समितीच्या अधिकाऱ्यांसोबत योजनेच्या प्रगतीचा आढावा घेतला. त्यांनी अर्जदारांच्या निवड प्रक्रियेत पारदर्शकता आणि कार्यक्षमतेवर भर देण्याचे आवाहन केले. यावेळी bdo राणी फराटे व पंचायत समितीचे कर्मचारी उपस्थित होते.
नगरपरिषद श्रीगोंदा येथे झालेल्या अंतिम बैठकीत जिल्हाधिकारी यांनी नगरसेवक आणि अधिकारी वर्गासोबत या योजनेच्या अंमलबजावणीच्या प्रक्रियेची तपशीलवार चर्चा केली. त्यांनी योजनेच्या उद्दिष्टांप्रती वचनबद्धता राखण्याचे आणि नागरिकांच्या सेवेसाठी तत्पर राहण्याचे आवाहन केले. याठिकाणी मुख्याधिकारी भगत मॅडम सह पालिका अधिकारी, कर्मचारी हजर होते.
जिल्हाधिकारींच्या या दौऱ्यामुळे ‘मुख्यमंत्री माझी लाडकी बहिण’ योजनेच्या अंमलबजावणीला गती मिळेल, अशी अपेक्षा व्यक्त केली जात आहे. नागरिकांच्या समस्या सोडवण्यासाठी प्रशासन सज्ज असल्याचे त्यांनी दाखवून दिले आहे.
स्रोत:(मिळालेल्या माहितीनुसार)
