दिनांक २५ जून २०२४, श्रीगोंदा:
श्रीगोंदा पोलीस ठाण्यात आज सकाळी एक दुर्दैवी घटना समोर आली आहे. श्रीगोंदा येथील काळकाई चौकात राहणारे अनिल पोपट गांधी यांनी दिलेल्या माहितीनुसार, त्यांच्या चुलत भावाचे, संजय चंपालाल गांधी (वय ५८ वर्षे), यांचे अकस्मात निधन झाले आहे.
संजय गांधी हे अहमदनगर येथे त्यांच्या कुटुंबासह राहतात व मांडवगण येथे डॉक्टर व्यवसाय करतात. त्यांचे मांडवगण येथील जुने घर आहे. आज सकाळी ९:०० वाजता संजय गांधी पाणी बघण्यासाठी जुन्या अडामध्ये गेले असता, ते अडात पडले. या घटनेची माहिती संजय यांचे भाऊ संदीप चंपालाल गांधी यांनी अनिल गांधी यांना फोनवरून दिली.
अनिल गांधी यांनी लगेच सरकारी दवाखाना श्रीगोंदा येथे धाव घेतली, परंतु तेथे पोहचल्यावर डॉक्टरांनी संजय गांधी यांना तपासून त्यांचा उपचारापूर्वीच मृत्यू झाल्याचे घोषित केले.
या दुर्दैवी घटनेने गांधी कुटुंबावर शोककळा पसरली आहे. श्रीगोंदा पोलीस ठाण्यात या घटनेची नोंद करण्यात आली असून, पुढील तपास सुरू आहे.
स्रोत:(आकस्मित मृत्यु नोंद)
