दिनांक २० डिसेंबर २०२५, श्रीगोंदा/शिक्रापूर:
तळेगाव ढमढेरे (ता. शिरूर) येथे बंद घराचे कुलूप तोडून अडीच तोळे सोने आणि ५० हजार रुपयांची रोकड चोरणाऱ्या चोरट्यासह, चोरीचा माल घेणाऱ्या साथीदाराला शिक्रापूर पोलिसांनी अटक केली आहे.
दिनांक १४ ऑक्टोबर रोजी गुलाब बाबुराव नरके यांच्या बंद घरात ही चोरी झाली होती.
यात नवनाथ उर्फ मटक्या ईश्वर भोसले (वय २५, रा. बेलगाव, कर्जत) आणि चोरीचे दागिने विकत घेणारा धोंडीबा अर्जुन उगले (वय ३८, रा. घोगरगाव, ता. श्रीगोंदा, जि. अहिल्यानगर) होते.
पोलीस हवालदार अमोल चव्हाण यांनी तांत्रिक तपासाद्वारे आरोपींना ताब्यात घेतले. आरोपीने गुन्ह्याची कबुली दिली असून, पोलिसांनी मुद्देमाल जप्त करण्याची प्रक्रिया सुरू केली आहे.
स्रोत:(ऑनलाईन वृत्त)
