दिनांक २० सप्टेंबर,श्रीगोंदा:
सध्या श्रीगोंदा शहर व तालुक्यात कोरोनाची वाढती संख्या व उपचारासाठी रुग्णांना येणाऱ्या अडचणी लक्षात घेऊन, आमदार बबनराव पाचपुते यांनी मागणी केल्यामुळे तीन मोठे व्हेंटिलेटर मिळाले असून,त्यापैकी एक चिचोंडी पाटील येथील रुग्णालयाला तर, दोन श्रीगोंदा ग्रामीण रुग्णालयाला प्रधानमंत्री नरेंद्र मोदी यांच्या वाढदिवसानिमित्त देण्यात आले आहेत.
श्रीगोंदा तालुक्यात सध्या कोरोनाचा प्रभाव वाढत चालला आहे. त्यामुळे रुग्णसंख्या मोठ्या झपाट्याने वाढू लागली आहे. परिणामी रुग्णांना उपचारासाठी अडचणी निर्माण होत होत्या. त्यामुळे जिल्हाधिकारी यांचेकडे आमदार पाचपुते यांनी व्हेंटिलेटरची मागणी केली होती. त्यानुसार आज चिंचोडी पाटील येथील रुग्णालयाला एक व श्रीगोंदा ग्रामीण रुग्णालयाला दोन व्हेंटिलेटर प्रधानमंत्री नरेंद्र मोदी यांच्या वाढदिवसानिमित्त लोकार्पण केल्याची माहिती प्रसिद्धीस दिली आहे.
यावेळी (आमदार) बबनराव पाचपुते, (भाजप प्रदेश सरचिटणीस) लक्ष्मण सावजी, (जिल्हाध्यक्ष) अरुण मुंडे, प्रसाद ढोकरीकर सह पदाधिकारी व सर्व नगरसेवक उपस्थित होते.
स्रोत:(अनिल वाळके यांनी प्रसिद्धीस दिलेली माहिती)
