🚨 अहिल्यानगर स्थानिक गुन्हे शाखेची मोठी कारवाई.! घरगुती गॅस सिलिंडरची अवैध रिफिलिंग करणारे ०३ आरोपी ₹ ३३.६५ लाखांच्या मुद्देमालासह जेरबंद..

दिनांक ३० ऑक्टोबर २०२५,अहिल्यानगर:

स्थानिक गुन्हे शाखेने एका महत्त्वपूर्ण कारवाईत घरगुती वापराच्या गॅस सिलिंडर्सची व्यावसायिक गॅस टाक्यांमध्ये अवैध रिफिलिंग आणि विक्री करणाऱ्या तीन आरोपींना अटक केली आहे. या कारवाईत पोलिसांनी ₹ ३३,६५,५००/- किमतीचा मुद्देमाल जप्त केला आहे.

दिनांक २९ ऑक्टोबर २०२५ रोजी स्थानिक गुन्हे शाखेचे पोलीस निरीक्षक श्री. किरणकुमार कबाडी यांना गुप्त बातमीदाराकडून माहिती मिळाली की, प्रवीण नारायण खडके (रा. चिचोंडी पाटील, ता. जि. अहिल्यानगर) हा त्याच्या साथीदारांसह चिचोंडी पाटील येथील राहत्या घराच्या परिसरात अवैधरित्या घरगुती गॅस सिलिंडरचा साठा करून तो व्यावसायिक गॅस टाक्यांमध्ये रिफिल करत आहे व त्यांची बेकायदेशीर विक्री करत आहे.

माहितीची खातरजमा झाल्यानंतर पोनि/श्री. किरणकुमार कबाडी यांनी तातडीने पोउपनि/अनंत सालुगडे आणि पोलीस अंमलदार लक्ष्मण खोकले, गणेश लबडे, हृदय घोडके, बिरप्पा करमल, शामसुंदर जाधव, भिमराज खर्से, मनोज साखरे, महादेव भांड, उमाकांत गावडे यांच्या पथकास कारवाईसाठी रवाना केले.

पथकाने चिचोंडी पाटील येथे खात्री केली असता, गॅस टाक्या ठेवलेल्या ठिकाणी खालील तीन इसम मिळून आले:

प्रवीण नारायण खडके (वय २८ वर्षे, रा. चिचोंडी पाटील, ता. जि. अहिल्यानगर),वैभव आंबादास पवार (वय ४७ वर्षे, रा. सांडवा, ता. जि. अहिल्यानगर),गणेश पच्याकर भोसले (वय ३७ वर्षे, रा. काष्टी, ता. श्रीगोंदा, जि. अहिल्यानगर)..

आरोपींकडे अवैध साठा व रिफिलिंगसाठी कोणताही शासकीय परवाना नव्हता. त्यांनी स्वतःच्या आर्थिक फायद्यासाठी ज्वलनशील पदार्थांची कोणतीही काळजी न घेता हा धोकादायक व्यवसाय सुरू ठेवला होता.

पोलिसांनी घटनास्थळी पंचासमक्ष पंचनामा करून खालील मुद्देमाल जप्त केला..
ज्यात चार वाहने | २५,१०,०००/- ,एच.पी. व भारत गॅस कंपनीच्या २६४ भरलेल्या व रिकाम्या घरगुती गॅस टाक्या | ८,३९,७००/- ,गॅस रिफिलिंगसाठी वापरण्यात येणारे मशिन | १०,०००/- , एक इलेक्ट्रॉनिक वजनकाटा | ५,०००/- ..एकुण | जप्त मुद्देमाल | ३३,६५,५००/-

ताब्यात घेतलेल्या आरोपींविरुद्ध अहिल्यानगर तालुका पोलीस स्टेशनमध्ये भारतीय न्याय संहिता (बी.एन.एस. २०२३) चे कलम २८७, २८८ सह जीवनावश्यक वस्तु कायदा १९५५ चे कलम ३, ७ सह एल पी जी (पुरवठा आणि वितरण नियमन) आदेश २००० चे कलम ३ (२) (b) सह गॅस सिलेंडर अधिनियम २०१६ चे कलम ४३, ४५, ४६ सह स्फोटके अधिनियम १८८४ चे कलम ९(b) प्रमाणे गुन्हा दाखल करण्यात आला आहे. पुढील तपास अहिल्यानगर तालुका पोलीस स्टेशन करीत आहे.

पोलीस अधीक्षक श्री. सोमनाथ घार्गे, अहिल्यानगर, यांच्या सूचना व मार्गदर्शनाखाली स्थानिक गुन्हे शाखेचे पोनि/श्री. किरणकुमार कबाडी आणि त्यांच्या पथकाने ही यशस्वी कारवाई केली आहे.
स्रोत:(किरणकुमार कबाडी..पोलीस निरीक्षक, स्थानिक गुन्हे शाखा, अहिल्यानगर)