दिनांक २९ ऑक्टोबर २०२४श्रीगोंदा:
आगामी विधानसभा निवडणुकांच्या पार्श्वभूमीवर, भारत निवडणूक आयोगाने 226-श्रीगोंदा-नगर व 227-कर्जत-जामखेड या विधानसभा मतदारसंघांसाठी निवडणूक निरीक्षकांची नियुक्ती केली आहे. या प्रक्रियेत पारदर्शकता राखण्यासाठी तसेच निवडणूक प्रक्रिया योग्य पद्धतीने पार पडावी, यासाठी आयोगाने डी. रथ्ना (आय.ए.एस.) यांची निवडणूक निरीक्षक (सामान्य) म्हणून नियुक्ती केली आहे.
निवडणूक निरीक्षक डी. रथ्ना यांच्याशी 9421060719 या मोबाईल क्रमांकावर संपर्क साधता येईल. त्यांच्या कार्यकाळात श्रीगोंदा येथील शासकीय विश्रामगृहात त्यांचा मुक्काम असणार आहे, जेणेकरून स्थानिक जनतेसाठी ते सहज उपलब्ध असतील. मतदारसंघातील निवडणूक प्रक्रियेमध्ये कोणताही त्रास उद्भवू नये व योग्य पद्धतीने निवडणूक प्रक्रिया पार पडावी, यासाठी ते कार्य करतील.
226-श्रीगोंदा-नगर विधानसभा मतदारसंघासाठी प्रज्वल जायभाये, उपविभागीय जलसंधारण अधिकारी, श्रीगोंदा यांची संपर्क अधिकारी म्हणून नियुक्ती करण्यात आली आहे. त्यांचा संपर्क क्रमांक 9563361212 आहे.
तसेच, 227-कर्जत-जामखेड विधानसभा मतदारसंघासाठी वृषाली अजिनाथ जाधव, पुरवठा निरीक्षक, तहसिल कार्यालय, कर्जत यांची संपर्क अधिकारी म्हणून नियुक्ती करण्यात आली आहे, आणि त्यांचा संपर्क क्रमांक 7387406972 आहे.
श्रीमती गौरी सावंत, निवडणूक निर्णय अधिकारी, श्रीगोंदा-नगर विधानसभा मतदारसंघ, यांनी ही माहिती दिली असून, निवडणूक प्रक्रियेसाठी सर्व आवश्यक कार्यवाही करण्यात येणार आहे. निवडणूक निरीक्षक व त्यांचे संपर्क अधिकारी नागरिकांच्या प्रश्नांची सोडवणूक करतील व निवडणुकीच्या काळात योग्य सुविधा उपलब्ध करून देतील.
मतदारांनी निवडणूक प्रक्रियेत उत्स्फूर्त सहभाग नोंदवावा, कोणत्याही प्रकारच्या समस्या असल्यास निवडणूक निरीक्षक व संपर्क अधिकाऱ्यांशी संपर्क साधावा, असे आवाहन निवडणूक आयोगाकडून करण्यात आले आहे.
स्रोत:(प्रसिद्धी पत्र)
