दिनांक ६ जुन २०२४, श्रीगोंदा:
श्री संत शेख महंमद महाराज अन्नछत्रालय, ज्याचे समाजसेवेत महत्त्वपूर्ण योगदान आहे, याला खासदार निलेश लंके यांच्याकडून भरघोस मदतीचे आवाहन करण्यात आले आहे. अन्नछत्रलयाच्या कार्याची आणि समाजसेवेशी असलेल्या निष्ठेची दखल घेत, समाजातील दानशूर व्यक्तींना आणि संस्थांना या सेवाभावी कार्याला आर्थिक आणि वस्तुरूपाने मदत करण्याचे आवाहन केले आहे.
अन्नछत्रलयाच्या वतीने गरजू आणि गरीब लोकांना मोफत भोजन पुरवले जाते, जे समाजातील आर्थिकदृष्ट्या दुर्बल घटकांसाठी मोठा आधार आहे. सध्या अन्नछत्रलयाच्या व्यवस्थापनासाठी आवश्यक असलेल्या संसाधनांची कमतरता भासत आहे. त्यामुळे, अन्नछत्रलयाच्या कार्यास चालना देण्यासाठी आणि गरजूंच्या मदतीसाठी समाजातील सर्व स्तरातील नागरिकांनी पुढे येऊन मदतीचा हात पुढे करावा, असे आवाहन लंके यांनी केले आहे.
लंके यांनी या अन्नछत्रलयासह इतर समाजसेवी संस्थांसाठीही कायमस्वरूपी मदतीसाठी प्रयत्नशील असल्याचे सांगितले. “श्री संत शेख महंमद महाराज अन्नछत्रलय हे समाजासाठी एक प्रेरणादायी उदाहरण आहे, आणि त्याच्या कार्याचा सत्कार करणे आपले कर्तव्य आहे,” असे त्यांनी आपल्या वक्तव्यात नमूद केले.
यावेळी त्यांनी श्री शेख महंमद महाराज अन्नछत्रालयासाठी एक ट्रक तांदूळ, तेल आणि गहू भरडा देण्याचे कबुल केले आहे. त्यांनी केलेल्या घोषणेनंतर येथे उपस्थित असलेल्या सर्व भाविक भक्तांनी त्यांचे मनापासून आभार व्यक्त केले. याप्रसंगी अन्नछत्रलय समितीचे सर्व सदस्य, पदाधिकारी, शेख महंमद बाबा दर्गाहचे ट्रस्टी आणि श्रीगोंदा तालुक्यातील नागरिक व निलेश लंके समर्थक यावेळी उपस्थित होते.
स्रोत:(प्रसिद्धी पत्र)
