दिनांक १६ मे २०२५, श्रीगोंदा/चाकण:
पिंपरी – चाकण – तळेगाव रस्त्यावर खालुंब्रे परिसरात भरधाव वेगाने येणाऱ्या टेम्पोने दुचाकीला धडक दिल्याने एका ४८ वर्षीय दुचाकीस्वाराचा दुर्दैवी मृत्यू झाला. ही घटना खालुंब्रे येथे घडली असून, गोरक्षनाथ प्रभू चोरघे (वय ४८, रा. शेलू, ता. खेड, जि. पुणे) असे मृत व्यक्तीचे नाव आहे.
याप्रकरणी गोरक्षनाथ यांचे भाऊ काळुराम प्रभू चोरघे यांनी महाळुंगे एमआयडीसी पोलिस ठाण्यात फिर्याद दिली आहे. पोलिसांनी तत्काळ कारवाई करत योगेश प्रल्हाद भवर (वय ३२, रा. पिंपरी कोलंदर, ता. श्रीगोंदा, जि. अहमदनगर) या टेम्पोचालकाला अटक केली आहे.
मिळालेल्या माहितीनुसार, गोरक्षनाथ चोरघे हे आपल्या दुचाकीवरून येलवाडी येथून एच पी चौकाच्या दिशेने जात असताना खालुंब्रे गावाच्या हद्दीत भरधाव वेगात असलेल्या टेम्पोने त्यांच्या दुचाकीला जोरदार धडक दिली. या भीषण अपघातात गोरक्षनाथ चोरघे गंभीर जखमी झाले. त्यांना उपचारासाठी तातडीने रुग्णालयात नेण्यात आले, मात्र डॉक्टरांनी त्यांना मृत घोषित केले.
या घटनेमुळे परिसरात हळहळ व्यक्त केली जात आहे. पोलिसांनी संबंधित टेम्पोचालकाविरोधात गुन्हा दाखल करून पुढील तपास सुरू केला आहे.
स्रोत:(ऑनलाईन वृत्त)
Advertise…
