दिनांक २ जून २०२५, श्रीगोंदा:
वांगदरी ग्रामपंचायतीने पंतप्रधान आवास योजनेत उत्कृष्ट कामगिरी बजावत महाराष्ट्र राज्यात प्रथम क्रमांक पटकावला आहे. ही कामगिरी माजी सरपंच श्री. आदेश नागवडे यांच्या कार्यकाळातील घरकुल प्रकल्पामुळे शक्य झाली असून त्यांच्या कार्याचा हा मोठा सन्मान मानला जात आहे.
श्री. नागवडे यांनी सरपंचपदाची जबाबदारी सांभाळताना ग्रामस्थांना योग्य ते घरकुल मिळावे यासाठी सातत्याने प्रयत्न केले. घरकुल प्रकल्पाच्या प्रभावी अंमलबजावणीसाठी त्यांनी पारदर्शक प्रक्रिया राबवली, गरजूंना प्राधान्य दिले आणि कामाची गुणवत्ता टिकवून ठेवली. यामुळे वांगदरी ग्रामपंचायतने संपूर्ण राज्यात आपले विशेष स्थान निर्माण केले.
या उल्लेखनीय कामगिरीची दखल घेत भारत सरकारच्या ग्रामविकास विभागाने वांगदरी ग्रामपंचायतीला पंतप्रधान आवास योजनेतील राज्यातील सर्वोत्तम ग्रामपंचायत म्हणून गौरवले आहे. या पुरस्काराचे वितरण ३ जून रोजी पुणे येथे पार पडणार आहे. या कार्यक्रमात केंद्रीय ग्रामविकास मंत्री तसेच महाराष्ट्र राज्याचे माननीय मुख्यमंत्री उपस्थित राहणार असून त्यांच्याहस्ते पुरस्काराचे वितरण होईल.
या यशामुळे संपूर्ण तालुका आणि जिल्ह्यातून वांगदरी ग्रामपंचायतीचे व माजी सरपंच आदेश नागवडे यांचे सर्व स्तरांतून अभिनंदन केले जात आहे.
— स्रोत:(अधिकृत माहिती)
Advertise…
