दिनांक ९ डिसेंबर २०२४श्रीगोंदा/पैठण:
खंडोबा देवाच्या दर्शनासाठी जात असताना दुचाकीला एस.टी. बसने जोरदार धडक दिल्याने एका भाविकाचा जागीच मृत्यू झाल्याची घटना रविवारी पैठण शहरातील पाचोड फाट्यावर घडली. या अपघातात किरण बबन गायकवाड (वय ३५, रा. हिंगणी दुमाळा, ता. श्रीगोंदा, जि. अहमदनगर) या भाविकाचा मृत्यू झाला.
हिंगणी दुमाला येथील किरण बबन गायकवाड खंडोबाच्या दर्शनासाठी चिखेड (ता. अंबड) येथे दुचाकीने जात होते. पाचोड फाट्यावर त्यांच्या दुचाकीला एस.टी. बस (अंबड-औरंगाबाद) ने जोरदार धडक दिली. या धडकेत किरण गायकवाड गंभीर जखमी झाले आणि त्यांचा घटनास्थळीच मृत्यू झाला.
अपघातानंतर किरण यांच्या वडिलांनी बबन कालुबा गायकवाड यांच्या तक्रारीवरून पैठण पोलिस ठाण्यात गुन्हा दाखल केला. बस चालक गोरक्षनाथ मदन चव्हाण (रा. भीमनगर तांडा, ता. अंबड, जि. जालना) याला अटक करण्यात आली आहे.
घटनास्थळी पोलीस निरीक्षक संजय देशमुख आणि सपोनि सिद्धेश्वर गोरे यांनी तपासाची जबाबदारी घेतली. सध्या अटक केलेल्या बस चालका विरोधात गुन्ह्याचा पुढील तपास सुरू आहे.
स्रोत:(ऑनलाईन वृत्त)
