दिनांक ८ ऑक्टोबर २०२५, श्रीगोंदा:
कुकडी पाटबंधारे विभागाच्या वितरिका १२ च्या कामातील कथित ‘दुर्लक्ष’ आणि ‘निकृष्ट दर्जा’ यामुळे संभाजी ब्रिगेड आक्रमक झाली आहे. संभाजी ब्रिगेडचे जिल्हा उपाध्यक्ष नाना शिंदे यांनी कार्यकारी अभियंता, कुकडी पाटबंधारे विभाग दोन यांना पत्राद्वारे तातडीने कामात सुधारणा करण्याची मागणी केली आहे, अन्यथा तीव्र आंदोलनाचा इशारा दिला आहे.
वितरिका १२ चे काम ‘मे सारथी इंजिनिअर्स पुणे’ या कंत्राटदाराला देण्यात आले आहे. मात्र, शिंदे यांच्या म्हणण्यानुसार हे काम अतिशय निकृष्ट दर्जाचे सुरू आहे. त्यांनी कामात खालील सुधारणा करण्याची मागणी केली आहे:
- वितरिकेमध्ये पीसीसी (Plain Cement Concrete) काँक्रिट करून पाईपलाईन जोडावी.
- वितरिकेच्या साईट पट्ट्या मुरमाने मजबुतीकरण कराव्यात.
- शेतकऱ्यांचे आऊटलेट अपेक्षित मानकांप्रमाणे करावेत. भूसंपादनाच्या मोबदल्यावरून संताप
या पत्रात नाना शिंदे यांनी टेलच्या शेतकऱ्यांच्या भूसंपादनाच्या मोबदल्याचा ३० वर्षांपासून प्रलंबित असलेला प्रश्नही तीव्रतेने मांडला आहे. - शेतकऱ्यांना गेल्या तीस वर्षांपासून जमिनीचा कुठलाच मोबदला मिळालेला नाही.
- या जमिनीमध्ये शेतकरी ३० वर्षांपासून कुठलेच पीक घेऊ शकलेले नाहीत, ज्यामुळे त्यांचे मोठे आर्थिक नुकसान झाले आहे.
- शिंदे यांनी पाटबंधारे विभागाने तातडीने भूसंपादन करून शेतकऱ्यांना भरीव मोबदला त्वरित देण्याची मागणी केली आहे.
वितरिकेचे काम उच्च दर्जाचे पाईपलाईन आणि चांगल्या पद्धतीचे जॉईंट वापरून न केल्यास, तसेच शेतकऱ्यांच्या मोबदल्याचा प्रश्न न सोडवल्यास संभाजी ब्रिगेड भविष्यात तीव्र आंदोलन छेडेल, असा स्पष्ट इशारा जिल्हा उपाध्यक्ष नाना शिंदे यांनी जलसंपदा विभागाला दिला आहे.
स्रोत:(प्रसिद्धी पत्र)
