दिनांक ३ मार्च (ढोरजा,श्रीगोंदा):
तालुक्यातील ढोरजा, भानगाव व कोथूळ येथील तलाठी संतोष सोबले हे आठवड्यात फक्त २ दिवस हजेरी लावतात. त्यामुळे लोकांचे कामकाज पूर्ण होत नाही. ‘कोविड १९’ विषाणूचा पादुर्भाव श्रीगोंदा तालुक्यामध्ये वाढत आहे. तलाठी आठवड्यातुन दोन दिवस येत असल्याने लोकांची मोठया प्रमाणात गर्दी होत आहे.
लोकांची कामं वेळेत होत नसून, परिणामी लोकांची गैरसोय होत, ‘कोविड १९’ ची काळजी म्हणून, तलाठयाने नमूद ठिकाणी आडवड्यातून १ दिवस भेट देऊन तेथील कामकाज पाहावे. अशी मागणी ढोरजा येथील ग्रामपंचायत सदस्य शिवराय व्यवहारे तसेच, ढोरजा व कोथूळ येथील ग्रामस्थांनी तहसीलदार प्रदीप पवार यांच्याकडे निवेदनाद्वारे केली आहे.
स्रोत:(प्रमोद उजगरे,ढोरजा)
